28 नेपाली गजल - Nepali Ghazal
  • भुलिएला पीडा सबै घाउ निको हुञ्जेलसम्म

लेखकःसबिन एकतारे 1376 पटक पढिएको:

 

भुलिएला पीडा सबै घाउ निको हुञ्जेलसम्म
चोट माथि चोट दिनु बरू खत बसुञ्जेलसम्म

 

विषले विष काट्छ भनि सुने थियो कसैबाट
विष माथि विष पिई रह्यो प्राण रहुञ्जेलसम्म

 

दिल जल्दा ओँठ चल्दा कान बन्द हुन्छन् अरे
मौनता यो मेरो तिम्रो रीस नमरूञ्जेलसम्म

 

भत्केको घरबाट निस्की जुलुसमा मिसिएँ म
भाग्य बैरी यो सतीको श्राप नहटुञ्जेलसम्म

 

खरानीले छोपी राख्नु कलिला ती पालुवाहरू
यो डढेलो रहने हो बतास चलुञ्जेलसम्म

सबिन एकतारे

सम्पादक नेपाली गजल डट कम (nepalighazal.com)