• या त यी मान्छेहरुको अजीब रहर हुनुपर्थ्यो

लेखकः 405 पटक पढिएको:

या त यी मान्छेहरुको अजीब रहर हुनुपर्थ्यो ।
या त अमृत नामको शिशीमा जहर हुनुपर्थ्यो ।।

किन उचनिच छन् मान्छेका सोचाइहरु
हैन भने जमिन पनि समथर हुनुपर्थ्यो ।।

फूलसँगै किसानको मुस्कान बेचिन्छ यहाँ,
नत्र त फूलहिन जिन्दगीको कदर हुनुपर्थ्यो ।

यदि यी कानूनहरु बनेका हुन् भने सबैलाई,
होचालाई घोचिरहने नजीरहरु बदर हुनुपर्थ्यो ।।

किन लेखिन्छ सधैं लासमाथि टेकेर इतिहास
बोली त यी लासहरुको पनि सदर हुनुपर्थ्यो ।।