52 नेपाली गजल - Nepali Ghazal
  • जब सूर्य लाली छर्दै उदाएको हुन्छ

लेखकःभगवती कडेँल 513 पटक पढिएको:

जब सूर्य लाली छर्दै उदाएको हुन्छ
यो मुगलानले धेरै कुरा सम्झाएको हुन्छ

परेवाको ताँती देख्दा टोलाउँछे भन्छन्
सँगै आँगन र तुलसी याद आएको हुन्छ

ओ निस्ठुरी ! सपनीमासम्म आउँदिनौ
बालक जस्तै ऊ यसैमा रिसाएको हुन्छ

बाँच्नुमात्र जिंदगी हो सोच्ने का के कुरा
भन्लान् पिँजडामा चरी रमाएको हुन्छ

मनको मान्छे चिनेनौ र ! ऊ त्यही त हो
जो सम्झँदा अधर तिम्रो मुस्काएको हुन्छ

भगवती कडेँल