तिमी पनि धर्तीमा आऊ अनि कुरो हुन्छ
दैवी शक्तिको फुर्ती नलाऊ अनि कुरो हुन्छ
परिवारसँग बसेर प्रवासीमाथि हाँस्नेहरु
मैले जति पसिना बगाऊ अनि कुरो हुन्छ
हो ठीक मेरा गजल सब बकवास हुन्
तिमी राम्रो लेखेर देखाऊ अनि कुरो हुन्छ
भो भो मेरो नाम नजोड्नु मायालुमा
कि यादमा कि निंदमा आऊ अनि कुरो हुन्छ
फेरि आयौ तिमी मलाई सम्झाउन यार
मलाई एकछिन भुलेर जाऊ अनि कुरो हुन्छ
जन्मस्थान: महेन्द्रज्योति, काभ्रे
हाल: टोकियो ,जापान
शिक्षा: स्नातक
पेशा: ब्यबसाय
सम्पादन:
संलग्नता :
gyawalinp2002@yahoo.com