36 नेपाली गजल - Nepali Ghazal
  • जहाँ हुन्छ उज्यालो त्यहीं अन्धकार छ

लेखकःनबिन घिमिरे 606 पटक पढिएको:

जहाँ हुन्छ उज्यालो त्यहीं अन्धकार छ 
ईश्वरको लीला पनि बडो अपरम्पार छ ।

राग भए रागै सही यो सुखद अनुभूति
अँगालोमा आज मेरो सिंगो संसार छ ।

सुली चड्न सक्नुपर्छ सिंहासन रोज्नेले,
विधाताको कानून हेर्नुस् कति उदार छ ।

सभ्यताले बहुलाए कलियुगका मान्छे,
सबैको हातहातमा कठै ! हतियार छ ।

'नवीन'के खोज्दै हिँड्छौ आफैभन्दा पर,
पाउनु र गुमाउनुको बीचमा अहङ्कार छ ।

नबिन घिमिरे