4 नेपाली गजल - Nepali Ghazal
  • दुनियाँले देख्दो रै छ छुरा नजाती ।

लेखकःआवाज शर्मा 670 पटक पढिएको:

दुनियाँले देख्दो रै छ छुरा नजाती ।
नियत खराब हुने नै हो पूरा नजाती ॥

एकैछिनको साथ दियो जुनीभरको याद ।
मनपरेको मान्छेको यही कुरा नजाती ॥

कठै ! केही भएकै छैन चर्चा सुरु भो ।
यी बित्थैका गालपारा चुरा नजाती ॥

नजरबाटै नशा चढ्यो पागल थिएँ म,
जानाजानी मातेँ बन्यो सुरा नजाती ॥

मैले यस्सो के खोकेथेँ वाह ‘आवाज’ रे,
जेलाई पनि गजल भन्ने भुरा नजाती ॥

आवाज शर्मा

नाम : बाला अधिकारी

(बिन्दु हिमाली, रजनीश पोख्रेली, सिमल शर्मा जस्ता उपनामबाट साहित्य र संगीत क्षेत्रमा बालककाल देखि नै कृयाशील, पछिल्लो समयमा आवाज शर्मा नाउँबाट गजल लेखनमा सक्रिय)
जन्म : २०२९/०३/०१ बुधबार
ठेगाना : ढिकुरपोखरी-१, अधिकारी डाँडा, कास्की
पिता : स्व. केशवप्रसाद उपाध्याय
माता : कलावती उपाध्याय

शिक्षा : स्नातकोत्तर गणित शिक्षा

संलग्नता :
उप-प्राध्यापक : माछापुच्छ्रे शिक्षा क्याम्पस
शिक्षक : सिर्जना सामुदायिक मा.वि.

प्रकाशित कृति :
पलाँस -गजल सङ्ग्रह
पोल्यो शितले झन -गजल सङ्ग्रह
परीका कथा -गजल सङ्ग्रह
पिपल छायाँले -लोकगीत सङ्ग्रह
पर्खी बसौँला -लोकगीत सङ्ग्रह

प्रकाशोन्मुख कृति :
सुब्बा सा'पकी छोरी -लामा कथा सङ्ग्रह
अरूज विज्ञान- गजलको सैद्धान्तिक आधार

पुरस्कार सम्मान :


१. मोतीराम सेतुराम गजल पुरस्कार २०६८

२. लोकसंगीत संकलन र अनुसन्धानको लागि दर्जनभन्दा बढी पुरस्कार, उपाधि र सम्मानहरू