21 नेपाली गजल - Nepali Ghazal
  • लालि चढेछ देशमा रगतको काम आयो ।

लेखकःबिपुल सिजापति 1570 पटक पढिएको:

लालि चढेछ देशमा रगतको काम आयो ।
माटो तिलक लगाएँ जन्मेको दाम आयो ।।

न त हाजि नै हुनुछ तिर्थालु बन्नु छैन ।
पाएमा ढोग्न देशलाई मेरो सुधाम आयो ।।

देखेमा दैवी मानिस सादा मुटु बोकेका ।
छाती फुकाइ कहनु नेपाली गाम आयो ।।

सौन्दर्य मेरो देशको अझै उज्यालो पार्न । 
हाँसेर जून आइन्, मुस्काइ घाम आयो ।।

मन्दिरको घण्ट बज्दा आयात गुन्गुनाई ।
आजानमा हाँसेर अल्लाहको राम आयो ।।

बिपुल सिजापति