76 नेपाली गजल - Nepali Ghazal
  • तिनका हरेक कदमले गन्तव्य छल्न थाले

लेखकःअहम् स्रष्टा 3726 पटक पढिएको:

तिनका हरेक कदमले गन्तव्य छल्न थाले
जब ती कदम कदममा यात्रा बदल्न थाले 

जो रोकिएन कहिल्यै, त्यो समय रोकिदैन
ती रोकिने घडी हुन् जो अस्ति चल्न थाले 

कोही अचेल अरुका बस्ती जलाउँदैनन्
जसले लिए सलाई, ती मैन जल्न थाले 

बिष पिउनु बाध्यता हो, सोचौं हरेक चोटि
बिष रोपिए अगाडि वा बृक्ष फल्न थाले

चिन्नेछ भोली कसले को हो असल बिजेता
मैले स्वयं मलाई जित्ने पहल नथाले

अहम् स्रष्टा

नाम: नारायणप्रसाद घिमिरे ठेगाना: लामिडाँडा-4 दोलखा हाल: देवघाट-२ तनहूँ,

 

अध्ययनरत ।